Xabaringiz bor, viloyatimizda an’anaviy tarzda o‘tkazib kelinayotgan “Turon maktab teatri” tanlovining hududiy bosqichlari ko‘tarinki ruhda davom etmoqda.

Soʻx tumanida ham mazkur tanlovning 1-hududiy 3-sektor bosqichi yuqori saviyada tashkil etildi.

Tadbir tumandagi Hushyor madaniyat markazida bo‘lib o‘tdi.

Mazkur bosqichda 6 ta umumta’lim maktabi jamoalari 2 ta shart asosida o‘zlarining sahna madaniyati, aktyorlik mahorati va ijodiy yondashuvlarini namoyish etdilar. Har bir chiqish tomoshabinlarga unutilmas taassurotlar ulashib, hakamlar hay’ati tomonidan munosib baholandi.

Yakuniy natijalarga ko‘ra, tumandagi 13-sonli umumiy o‘rta ta’lim maktabining “Oryol” jamoasi eng yuqori natijani qayd etib, tuman bosqichiga yo‘llanmani qo‘lga kiritdi.

Farg‘ona viloyati Maktabgacha va maktab ta'limi boshqarmasi Аxborot xizmati.