8-mart — Xalqaro xotin-qizlar kuni munosabati bilan Farg‘ona viloyati Maktabgacha va maktab ta’limi boshqarmasi faollar zalida bayram tadbiri tashkil etildi.

Unda boshqarma apparati xodimlari ishtirok etib, jamoada faoliyat yuritayotgan xotin-qizlarga alohida ehtirom ko‘rsatildi.

 Tadbir davomida ayollarning jamiyatdagi o‘rni, ularning ta’lim tizimini rivojlantirishdagi fidokorona mehnati alohida ta’kidlandi.

Boshqarma rahbariyati tomonidan xotin-qizlar bayram bilan samimiy muborakbod etilib, ularga mustahkam sog‘lik, oilaviy baxt-saodat hamda kelgusi ishlarida ulkan muvaffaqiyatlar tilandi.

Shuningdek, jamoa erkaklari tomonidan xotin-qizlarga bayramona kayfiyat ulashilib, ularga gul va esdalik sovg‘alari topshirildi.

Mazkur tadbir samimiy muhitda o‘tib, xotin-qizlarga bo‘lgan hurmat va e’tiborning yana bir ifodasi bo‘ldi.

Farg‘ona viloyati Maktabgacha va maktab ta’limi boshqarmasi axborot xizmati.